Бакалавриат
Қазақстан Республикасы Ішкі істер министрлігінің Шырақбек Қабылбаев атындағы Қостанай академиясы жоғары білімнің білім беру бағдарламаларың жоғары және жоғары оқу орнынан кейінгі білім берудің мемлекеттік жалпыға міндетті стандарттарына сәйкес «Құқық қорғау қызметі» мамандығы бойынша ІІО әкімшілік-құқықтық қызметі, ІІО қылмыстық-атқару қызметі бағыттары бойынша жүргізеді.
ОҚЫТУДАҒЫ АРТЫҚШЫЛЫҚТАР:
- Мемлекеттік тапсырыс негізінде қабылдау және оқыту. Жайлы жабдықталған жатақханада тұру, стипендия алу, азық-түлікпен, заттай жабдықталыммен қамтамасыз ету, қалааралық автомобильмен (таксиден басқа), теміржол және су көлігімен демалыс кезеңінде тұрақты тұратын жерге және кері қайтуға жол жүру ақысы төленеді;
- Күндізгі оқу нысаны бойынша толық курсты аяқтағандар үшін оқу уақыты мерзімді әскери қызмет өткеруге теңестіріледі;
- Бөлуге сәйкес қызмет өткеру жолдамасымен түлектерді жұмысқа орналастыру;
- Оқу аяқталғаннан кейін түлектерге «Құқық қорғау қызметінің бакалавры» біліктілігі берілген белгіленген үлгідегі диплом беріледі және Ішкі істер министрінің бұйрығымен «полиция лейтенанты» немесе «әділет лейтенанты» арнайы атағы беріледі.
ОҚУҒА ТҮСУ ТӘРТІБІ:
- Құқық қорғау органдарының білім беру ұйымдарына оқуға орта білімі бар он алты жасқа толған адамдар қабылдана алады.
- ҰБТ тұрғылықты жері бойынша азаматтық оқу орындарының базасында ағымдағы жылдың 25 маусымы мен 5 шілдесі аралығында өткізіледі.
- Талапкерлер ҰБТ тапсыру кезінде ҚР БҒМ 2017 жылғы 2 мамырдағы №204 бұйрығымен бекітілген ҰБТ өткізу қағидаларының 5-қосымшасына сәйкес кез келген вариацияда (шығармашылық емтиханнан басқа) екі бейіндік пәнді өз бетінше таңдай алады.
- Конкурсқа қатысу үшін ҰБТ бойынша 50 балдан кем емес оның ішінде әрбір бейіндік пән бойынша 5 балдан кем емес жинау қажет.
- Құжаттар қабылдау жылдың 10 шілдесіне дейін Қостанай академиясының сайтында (kpagov.kz) медициналық тексеруден өтуге жолдама алу және қажетті құжаттарды ресімдеу үшін «Бакалавриат» онлайн-қабылдау сілтемесі арқылы қабылданады.
Медициналық куәландырудан, арнайы тексеруден және ҰБТ-дан сәтті өткеннен кейін оқуға кандидаттар Академияның оқу-дала лагеріне конкурсқа қатысу үшін ҰБТ қорытындысы бойынша сертификат балына сәйкес медициналық, дене шынықтыру және психофизиологиялық көрсеткіштер бойынша іріктеудің нәтижелерін ескере отырып шақырылады.
ІІМ арнаулы оқу орындарына кандидаттар үшін дене шынықтыру даярлығы жөніндегі нормативтер
Ұлдар үшін
| № | Тестердің атауы | Өте жақсы | Жақсы | Қанағаттанарлық |
|---|---|---|---|---|
| 1 | 100 метрге жүгіру (сек) | 14.0 | 14.5 | 15.0 |
| 2 | 1000 метрге жүгіру (мин/сек) | 3.40 | 3.50 | 4.0 |
| 3 | Тартылу (саны/рет) | 11 | 9 | 7 |
Қыздар үшін
| № | Тестердің атауы | Өте жақсы | Жақсы | Қанағаттанарлық |
|---|---|---|---|---|
| 1 | 100 метрге жүгіру (сек) | 16.0 | 16.5 | 17.0 |
| 2 | 1000 метрге жүгіру (мин/сек) | 4.40 | 5.0 | 5.20 |
| 3 | 1 минут ішінде арқаға жатып денені көтеру (саны/рет) | 35 | 30 | 25 |
Білім алушыларды оқудан шығарудың негіздері мен тәртібі:
Білім алушыларды оқудан шығарудың негіздері мен тәртібі Қазақстан Республикасының «Құқық қорғау қызметі туралы» 2011 жылғы 06 қаңтардағы Заңымен және «Қазақстан Республикасы Ішкі істер министрлігінің әскери арнаулы оқу орындарында білім алушылардың үлгеріміне ағымдағы бақылау, оларға аралық және қорытынды аттестаттау жүргізу қағидаларын бекіту туралы» Қазақстан Республикасы ІІМ-нің 13.01.2016 жылғы № 20 бұйрығымен регламенттеледі.
Құжаттардың тізімі
- Кандидаттың жеке куәлігі
- Әскери билет/әскери есепте жағдай белгісі бар саптық қызметке жарамдылығы көрсетілген тіркеу куәлігі және кейінге қалдыру себептері туралы анықтама
- ЖСН көрсете отырып жақын туыстарының жеке куәліктері (14 жастан бастап адамдарға туу туралы куәлік)
- Кандидаттың мекенжайлық анықтамасы
- Еңбек кітапшасы (бар болған жағдайда)
- Нотариат куәландырған білім туралы құжаттардың (орта, орта білімнен кейінгі) көшірмелері не «Білім алуды аяқтамаған адамдарға берілетін анықтама нысанын бекіту туралы» Қазақстан Республикасы Білім және ғылым министрінің 2009 жылғы 12 маусымдағы № 289 бұйрығымен бекітілген нысан бойынша білімін аяқтамаған адамдарға берілетін анықтама
- Кандидаттың туу туралы куәлігінің нотариалды куәландырылған көшірмесі
- Неке қию және некені бұзу, балалардың тууы туралы құжаттар
- Салық комитетінен декларацияны тапсыру туралы анықтама (жұбайына)
- Күні көрсетілген мөрмен расталған мінездемелер (қызметтік, оқу және т.б.)
- ҚР ІІМ-не жіберу туралы педагогикалық кеңестен үзінді көшірме (оқуға кандидаттар үшін)
- Фотосурет 9х12 = 1 сурет (іскерлік киім стилі, бас киімсіз)
- Өмірбаян (қолмен жазылған және компьютерде терілген)
- Сауалнама
- Зерттеуге және тексеруге келісім беру туралы өтініш
- Жеке іс қағазы
- Әскери қызмет өткеру туралы келісімшарт жасасуға заңды өкілдердің нотариалды куәландырылған келісімі (кәмелетке толмаған кандидаттар үшін)
- Жеңілдікті растайтын құжат
- ҰБТ сертификаты
Жиі қойылатын сұрақтар
Қостанай академиясына түсу үшін тұрғылықты жері бойынша Полиция департаментінің немесе Қылмыстық-атқару жүйесі департаментінің кадр жұмысы бөліміне жүгіну қажет. Сонымен қатар, Сіз тікелей Қостанай академиясына хабарласып, «Тікелей қабылдау» бойынша түсу үшін құжаттарды ұсына аласыз (https://kostacademy.edu.kz/). «Тікелей қабылдау» - бұл оқуға кандидат кез келген аймақтан онлайн режимінде Академияға түсуге жүгінетін рәсім. Барлық қажетті құжаттар Академияның кадр жұмысы бөлімінде қалыптастырылады.
Қостанай академиясында оқу тегін. Сонымен қатар: - жатақханада тегін тұру; - стипендия алу: 1 курс – 14 207 тг, 2 курс – 14 207 тг; 3 курс – 24 655 тг; 4 курс – казармадан тыс тұру шартымен - 49 311 тг; - азық-түлікпен, заттай жабдықталыммен қамтамасыз ету; - тегін медициналық қызмет көрсету; - демалыс кезеңінде жол жүру құнын төлеу; - Академияда күндізгі оқу кезеңі мерзімді әскери қызмет өткеруге теңестіріледі және құқық қорғау органдарында қызмет өтіліне есептеледі; - түлектерге оқуды аяқтағаннан кейін «полиция лейтенанты» немесе «әділет лейтенанты» офицерлік атағы және «бакалавр» академиялық дәрежесі беріліп, жұмысқа орналасуға кепілдік беріледі.
Қостанай академиясында оқыту «Құқық қорғау қызметі» білім беру бағдарламасы бойынша жүзеге асырылады. Оқуды аяқтағаннан кейін курсанттар келесі лауазымдарға тағайындалады: - учаскелік полиция инспекторы; - кәмелетке толмағандардың істері жөніндегі учаскелік полиция инспекторы; - әкімшілік практика инспекторы; - көші-қон қызметі тобының инспекторы; - патрульдік полиция қызметінің инспекторы; - учаскелік полиция инспекторының көмекшісі; - жедел басқару орталығының инспекторы; - әйелдерді зорлық-зомбылықтан қорғау жөніндегі инспектор; - табиғатты қорғау полициясының инспекторы; - азаматтық қару-жарақ айналымын бақылау жөніндегі инспектор. ІІО қылмыстық-атқару жүйесі: - пробация қызметінің инспекторы; - сотталғандар арасындағы тәрбие және әлеуметтік-психологиялық жұмыс бөлімінің жасақ бастығы; - жедел бөлімнің жедел уәкілі; - тәртіптік бөлімінің жедел уәкілі; - мекеме бастығының кезекші көмекшісінің орынбасары; - сотталғандардың еңбегін ұйымдастыру бөлімінің инспекторы; - теологиялық және оңалту жұмыстарының инспекторы; - арнайы есепке алу инспекторы.
ҰБТ-ға өтініш беру мерзімі 28 сәуірден 14 мамыр аралығында. Тестілеу мерзімі 16 мамырдан 5 шілде аралығында.
ҰБТ бойынша өту балы 50 балды құрайды. Қазақстан тарихы бойынша әрбір бейіндік пән бойынша кемінде 5 балл, математикалық сауаттылық, оқу сауаттылығы бойынша кемінде 3 балл. «Құқық қорғау қызметі» мамандығы бойынша ҰБТ тапсыру кезінде оқуға кандидаттар кез келген вариацияда (шығармашылық емтиханнан басқа) екі бейіндік пәнді өз бетінше таңдай алады.
Бойы: қыздар 160 см-ден бастап, ұлдар 170 см-ден бастап.
Оқуға кандидаттар тұрғылықты жері бойынша Полиция департаментінің емханасында медициналық куәландырудан өтеді. Қостанай академиясынан «Тікелей қабылдау» бойынша түсетін талапкерлер медициналық куәландыруға онлайн-режимде жолдама алады және Полиция департаментінің емханасында тұратын жері бойынша өтеді.
Колледжді бітіргеннен немесе әскери қызмет өткергеннен кейін оқуға үміткерлер ҰБТ тапсырып, сертификат ұсынуы керек.
Жақын туыстарының сотталуы Қостанай академиясына түсуге кедергі болып табылмайды. Алайда, өмірбаянды толтыру кезінде бұл мәліметтерді көрсету қажет.
Қостанай академиясының курсанттары қатарына қабылдау конкурсын өткізу кезінде: - жалпы білім беретін пәндер бойынша халықаралық олимпиадалар мен ғылыми жобалар конкурстарының жеңімпаздары, сондай-ақ президенттік, республикалық олимпиадалар мен ғылыми жобалар конкурстарының жеңімпаздары. Конкурстан тыс: - қызметтік міндеттерін атқару кезінде қаза тапқан немесе мүгедектік алған шекті балл деңгейін жинаған қызметкерлердің балалары; - Ұлттық ұлан қатарында мерзімді қызметтен өткен адамдар; - «Алтын белгі» белгісімен марапатталған мектеп түлектері қабылданады; - ҰБТ-дан өткен және оның нәтижелері бойынша 100-ден артық балл жинаған тұлғалар. ҰБТ сертификаттары балдарының көрсеткіштері бірдей болған жағдайда: - жетім балалар мен ата-анасының қамқорлығынсыз қалған балалар; - кәмелетке толғанға дейін ата-анасынан айырылған немесе ата-анасының қамқорлығынсыз қалған жастар қатарындағы Қазақстан Республикасының азаматтары; - үздік білімі туралы құжаттары (куәліктері, аттестаттары, дипломдары) бар адамдар оқуға қабылдануға артықшылыққа ие болады; - кадетік оқу орындарының әскери мектеп-интернаттардың негізгі білім беру бағдарламаларын не әскери-патриоттық немесе заңды бағыттардағы қосымша білім беруді аяқтағаны туралы растайтын құжаттары бар адамдар; - спорттық дәрежелі республикалық не халықаралық жарыстарда орындаушылар конкурстарында жалпы білім беретін пәндер бойынша халықаралық президенттік не республикалық олимпиадада жүлделі орынды растайтын құжаттары бар адамдар; - егер бірінші рет жоғары білім алатын болса, ішкі істер органдарының қызметкерлері.