Біз ұмытпасақ — олар мәңгі тірі!

Жеңіс саябағында Қостанай облысында 1941 жылдың желтоқсанында құрылған 151-ші жеке атқыштар бригадасының майданға аттанғанына 83 жыл толуына арналған «Вело-жаяу шеру» өтті. Бригаданың командирі болып подполковник Леонид Яковлев тағайындалған. Офицерлік құрам әскери училищелердің түлектерінен тұрса, қатардағы және сержанттық құрам Қазақстаннан, Сібір мен Оңтүстік Оралдан шақырылған. Шеру Қостанай балалар шығармашылық мектебі (бұрынғы Пионерлер сарайы) ғимаратынан басталды — дәл осы жерден 1942 жылы бригаданың жауынгерлері Отан қорғауға аттанған еді. Іс-шараға курсанттар мен Академия басшылығы да белсене қатысып, тарихымыздың ерлікке толы беттерін есте сақтау маңыздылығын атап өтті.