Бүгін Қостанай академиясының курсанттары үшін Халифа Алтай мешітінің ұстазы, Әл-азһар университетінің түлегі Құсанбаев Бекзат Азатбекұлы мен Қостанай облыстық Аймағанбет қажы Спанұлы мешітінің наиб имамы Абзал Сұлтанғалиұлымен кездесу өтті. Іс-шара барысында қонақтарымыз бүгінгі қоғамның өзекті мәселелері туралы ой-пікір білдіріп, рухани тәрбиенің маңыздылығы туралы сөз етті. Қонақтарымыз «Әскери қызмет-табыс табу емес, халыққа қызмет ету», - деп жастарға кеңес берді. Курсанттар тарапы да қызығушылық танытып, ойларындағы қызықтырып жүрген сұрақтарының жауабын алды.