Бұл барлық қатысушылар үшін өте қызықты да танымды іс-шара болды. Біз айтып кеткендей, жақын арада ҚР ІІМ Шырақбек Қабылбаев атындағы Қостанай академиясының өкілдері 6697 әскери бөлімінде болды. Сонымен қатар осы күні Қостанай қаласындағы жалпы білім беретін мектептердің оқушылары да танысу экскурсиясымен әскери бөлімге қонаққа келген болатын. Балалармен Қостанай академиясының бастығы полиция генерал-майоры Ақынқали Дәрменов кездесті. Полиция генерал-майоры оларға полиция қызметкері мамандығы, Қостанай академиясында оқудың келешегі туралы айтып, мамандық таңдауда полиция ЖОО-на түсу мүмкіндігін қарастыруға кеңес берді.